Metapora kahulugan at Halimbawa

“Metapora” o “Pagwawangis”

• tiyak na paraan ng paghahambing ng dalawang magkaibang bagay
• hindi literal na paghahambing o figure of speech

Ang Metapora ay mula sa mga salitang:

                        Meta – pagbabago at

                        Phora – mosyon o semantic motion

• Ayon kina Wingfield at Titone, ito ay maituturing na hindi totoo sa literal na aspeto ngunit nagpapahiwatig ng isang maliwanag na kahulugan

Dalawang Uri ng Metapora

Mayroong dalawang uri ng Metapora. Ito ay ang Poetic at Metaphorical Idioms.

• Dalawang uri:

1. Poetic Metaphors – metaporang walang fixed form; maaring mag-iba ang interpretasyon ayon sa nagbabasa at gumagamit
2. Metaphorical Idioms – metaporang may iisang tamang reading o interpretasyon

Mga Halimbawa ng Metapora

Paraan ng pagpapahayag ng kahulugan

• paggamit ng mga imahe o mga bagay may karampatang kaugnayan sa tinutukoy na ideya

Paggamit ng mga Hayop

Hayop – pangiinsulto/naghahayag ng pagiging magaling

Baboy – bastos, burara, mataba

Ahas – traidor, burara

Daga – mahirap

Tigre – mataray, masungit, strikto

Tuko/Kapit-tuko – mapapel o sipsip,  mahilig dumikit, ayaw bumitaw

Pagong – Mabagal, makupad

Buwaya – gahaman

Manok/tulog manok – mababaw matulog

Sisiw – madali

Basang sisiw – kawawa

Kuto/Kutong-lupa – nakakairita, peste

Paggamit ng Bahagi ng Katawan

Kutis

Kutis-porselana – makinis

Balat-sibuyas – sesitibo

Mukha

Makapal ang mukha – walang hiya

Puso

Pusong mamon – maawain, mabait

Pusong bato – manhid

Palad

Bukas palad – matulungin

Tainga

Taingang kawali – nagbibingibingihan

Kamay

Kamay na bakal – marahas

Malikot ang kamay – magnanakaw

Ulo

Mahina ang ulo – bobo

Kilay

Nagsunog ng kilay – nagaral ng mabuti

Mata

Mainit ang mata – nakatuon ang atensyon

Paggamit ng Hayop at Bahagi ng Katawan

Utak-biya – tanga

Matang-lawin – malinaw ang mata

Titing Kabayo – malaki, maliksi, malakas

Porma– sa pagsasa-ayos at pagkakasulat ng isang metapora

Metaporang One-Word

Baboy

Ahas

Tigre

Buwaya

Tuko

Metaporang Compound

Pandiwa-Pangalan

• Tulog-manok
• Kapit-tuko
• Lakad-pagong

Pangalan-Pangalan

• Kutis-porselana
• Utak-biya
• Balat-sibuyas
• Matang-lawin
• Titing-kabayo
• Taingang-kawali
• Pusong-mamon
• Kamay na bakal
• Kutong-lupa

Pang-uri-Pangalan

• bukas-palad
• basang-sisiw

Metaporang Phrasal

Adjectival Phrase

• Mahirap pa sa daga
• Mahina ang ulo
• Mainit ang mata
• Malikot ang kamay
• Namuti ang mata

Verb Phrase

• Nagtaas ng kilay
• Nagsunog ng kilay
• Nanlaki ang mata
• Nadungisan ang kama

Borrowed Metaphors

Ito ay mula/ may kasamang hiram na salita. Halimbawa ay:

Coca-cola ang katawan – sexy

Vertically challenged – pandak

Emotionally challenged – mahina ang loob, baliw

Intellectually challenged – bobo

Bakit tayo gumagamit ng mga metapora?

• “Out of politeness” o pagiging magalang ng mga Pilipino
• Ang pagiging prangka ay napagkakamalan bilang “rudeness”
• Gumagamit tayo ng “indirect” na pahayag upang hindi makasakit sa iba
• Upang magbigay-puri sa isang tao o bagay
• Naniniwala rin ng karamihan ang konsepto ng ebulosyon at tayo ay mga hayop din kung kaya’t naihahambing tayo sa mga ito
• Mas naipapahayag ang damdamin ng mabuti

Halimbawa ng tula sa Metapora

Minsan sa isang malamig na umaga

Hinayaan kong maligaw ang aking kaluluwa at

sa isang bakuran, ako ay napunta

Ilang taon na rin akong paikot ikot sa bakuran na ito.

Nabaliktad ko na lahat ng mga bato,

nahawi ko na ang lahat ng mga damo.

Hinalughug ko na ang langit at lupa.

naglalakad, namamasyal , nagmamasid sa kapaligiran na Kanyang nilikha

Nakakita ako ng isang paru-parong napakaganda

nagkukulay ube ang pakpak, palipat lipat sa mga bulaklak at

Naisipan kong kausapin siya, “Napapagod ka rin ba?

Pansin ko sa mga ginagawa mo’y masayang masaya ka

Kahit gaano katirik ang araw, ikaw ay hindi naaantala

Palipad lipad sa hangin na para bang walang problema”

At sa pagsapit ng gabi,

sa ilalim ng karagatan ng mga butuin

habang hinehele ng huni ng mga kuliglig,

at hinahampas ng hangin na kay lamig

Sa kwarto, ako’y nag-iisa

at nagsusumiksik sa sulok ng kama

humihikbi sa mga basang unan

at patuloy paring hindi nakukumutan

nilalamon ng pait, nasisiraan ng bait,

walang araw at gabing lumipas na hindi nakakaranas ng sakit.

Saksi ang mga kumot ng ulap na sumasayaw sa hangin

Sa pulso ng aking  damdamin.

Subalit aking napagtanto

Bago nakuha ng paru-paro ang malaperlas na pakpak nyang ito

dinaanan niya muna ang pinakamadilim at masakit na proseso

upang makamit ang pagbabago.

Paru-parong dating nilalayuan, kinakatakutan, at pinandidirian

Isang berdeng uod na gumagapang sa damuhan.

Na  dalawang linggo ang paglilim sa kanyang tahanan

bago tuluyang mamamayagpag sa kapaligiran.

Katulad ng Paru-paro, ako rin ay may tahanan

Santa Isabel manila na aking paaralan

Sila ang nakatulong humubog sa aking pagkatao at isipan

hindi sila nagkulang at marami akong natutunan

Santa Isabel manila, kung saan ako itinadhana

Maraming mga taong hindi nais makasama

may mga tunay at merong peke na makakasalamuha,

ngunit nakatadhana upang makilala

Katulad ng paru-parong tinutugis sa parang ng mga ibon at gagamba.

Sa marahang na dalwang taon ay ang pag usbong ng sarili sa apat na sulok nitong silid

Katulad ng munting paru paro sa gitna ng bukid,

Pa unti unting natuto lumipad ng walang tumutulong

yung dating may gumagabay ngayon kaya nang sumulong

Katulad ng paru-parong minsan pinanghihinaan, natuto rin akong lumaban

At buksan ang sarili kong kulungan.

Kaya Sinta, bago mo makamit ang pagbabago

Kailangan mo munang dumaan sa malubak na proseso

Ngunit kailangan mo ng gabay ng Lumikha, 

Katulad ng paru-paro, na nangangailangan ng araw upang magkaroon ng lakas sa umaga.

Ang init niya ang nagpapalambot ng mga naninigas na mga pakpak na dulot ng gabing pangamba.

Kaya kung gusto mo ng pagbabago

Isipin mo ang buhay ng isang paru-paro

Na isang katutak na proseso ang dinaanan, para makamit ang kalayaan

Pagkatapos ng delubyo, idilat ang mata, mga luha’y punasan

Dahil darating ang panahon mamayagpag at bubuka rin ang makukulay mong pakpak

Salubungin mo palagi ang presensya ng araw, sa malamig na mundong iyong tinatahak.

Katulad ng munting paru-paro na paunti-unting lumaki at natuto.

Alpas, Sinta!

Wag ka magpapagapos. Piliin mong umalpas.