Uri ng Pangngalan; Pantangi at Pambalana

Ang pangngalan o ang tinatawag na noun sa salitang ingles ay ngalan ng tao, hayop, bagay, lugar, pook, o pangyayari. 
Ito ay maaaring uriin sa dalawa: pambalana at pantangi. 

Mga Uri ng Pangngalan

• Pangngalang Pantangi (Proper Noun)
• Pangngalang Pambalana (Common Noun)

Pangngalang Pambalana (Common Noun)

Ito ay karaniwan ngalan ng tao, hayop, bagay, lugar o pook, o pangyayari. Nagsisimula ito sa maliit na titik. Ngunit kung ito ay simula ng pangungusap, nagsisimula ito sa malaking titik. 

Halimbawa: lola, anak, bata, lalaki, babae, guro, lungsod, paaralan, bansa, kontinente,

1. Ang bata ay dinala sa pagamutan.
2. Bumisita ang guro sa kanyang mge estudyante.
3. Ang aming lungsod ay tahimik.
   

Pangngalang Pantangi (Proper Noun)

Ito ay tiyak na ngalan ng tao, hayop, bagay, lugar o pook, o pangyayari. Nagsisimula ito sa malaking titik. 

Halimbawa: Manny Pacquiao, Lungsod ng Quezon, Pilipinas, Asya,

1. Si Manny Pacquiao ay tumakbo sa pagkapangulo.
2. Ang Lungsod ng Quezon ay napakalinis.
3. Ang Pilipinas ay isang mayamang bansa.