Ang mga sawikain o idioms sa wikang Ingles ay salita o grupo ng mga salita na patalinghaga at ‘di tuwirang naglalarawan sa isang bagay, sitwasyon o pangyayari.
Ito ay matatalinghagang pahayag na kung minsan ay nagpapahiwatig ng sentimyento ng isa o grupo ng mga tao.
Nakakatulong ang paggamit ng mga sawikain upang mas lalong mabigyang-diin ang isang pahayag o pangungusap. Ito ay nakakapukaw sa damdamin ng mga nakikinig o nagbabasa.
Ang sawikain o idyoma ay isang pagpapahayag na ang kahulugan ay hindi komposisyunal — sa ibang salita, hindi binubuo ng tumpak na kahulugan ang mga kanya-kanyang salita na nabuo. Ito ay di-tuwirang pagbibigay kahulugan at pagpapakita ng kaisipan at kaugalian ng isang lugar.
Mga Halimbawa ng Sawikain o Idyoma
Iba’t ibang Sawikain
1. butas ang bulsa – walang pera
Halimbawa:
Laging butas ang bulsa ni Tony dahil sa kanyang bisyo.
2. ilaw ng tahanan – ina
Halimbawa:
Napakabait ng aming ilaw ng tahanan.
3. alog na ng baba – tanda na
Halimbawa:
Alog na ng baba ang mag-asawa ta di na kayang magtrabaho
4. alimuom – mabaho
Halimbawa:
Alimuom ang buong buhay niya.
5. bahag ang buntot – duwag
Halimbawa:
Bahag ang buntot ni Luigi.
6. ikurus sa noo – tandaan
Halimbawa:
Ikurus sa noo mo na magsisikap ako para sa iyo.
7. bukas ang palad – matulungin
Halimbawa:
Bukas ang palad ni Leni sa mga mahihirap.
8. kapilas ng buhay – asawa
Halimbawa:
Ang kapilas ng buhay niya ay napakabait.
9. nagbibilang ng poste – walang trabaho
Halimbawa:
Siya ay nagbibilang ng poste lalo;t ngayong pandemya.
10. basag ang pula – luko-luko
Halimbawa:
Napaka basag ang pula mo .
11. ibaon sa hukay – kalimutan
Halimbawa:
Huwag mong ibaon sa hukay ang mga alala niya.
12. Ahas – taksil; traidor
Halimbawa:
Mag-ingat sa ahas na nakapaligid sayo.
13. anak-dalita – mahirap
Halimbawa:
Magsikap ka sa buhay kahit ikaw ay anak dalita.
14. alilang-kanin – utusang walang bayad, pakain lang, pabahay at pakain ngunit walang suweldo.
Halimbawa:
“Mga anak, huwag kayong masyadong maging masungit sa katulong natin. Alam naman ninyo na siya ay alilang-kanin lang.”
15. balitang-kutsero – balitang hindi totoo o hindi mapanghahawakan.
Halimbawa:
Huwag basta basta maniwala sa mga balitang-kutsero.
16. balik-harap – mabuti ang pakikitungo sa harap ngunit taksil sa likuran.
Halimbawa:
Huwag mong kaibiganun si Luisa dahil siya ay balik-harap.
17. Bantay-salakay – taong nagbabait-baitan
Halimbawa:
Si Maria ay bantay salakay sa kanyang guro.
18. basa ang papel – bistado na
Halimbawa:
Basa ang papel ni Tony pagkatapos mahuli sa akto ng kanyang guro.
19. buwaya sa katihan – ususera, nagpapautang na malaki ang tubo
Halimbawa:
Maging masinop ka sa buhay, mahirap na ang magipit. Alam mo bang maraming buwaya sa katihan na lalong magpapahirap kaysa makatulong sa iyo?
20. bukal sa loob – taos puso, tapat
Halimbawa:
Si Tonyo ay Bukal sa loob ang pagtulong sa kapwa.
21. busilak ang puso – malinis ang kalooban
Halimbawa:
Napakabusilak ng puso ng anak nina Aling Lita.
22. di madapuang langaw – maganda ang bihis
Halimbawa:
Di madapuang langaw si Pilar sa suot nitong gown.
23. di makabasag-pinggan – mahinhin
Halimbawa:
Bihira na lang makakita ng mga babaeng di makabasag pinggan sa panahon ngayon.
24. Hampaslupa – lagalag, busabos
Halimbawa:
Para kang hampas lupa sa suot mo.
25. isang kahig, isangtuka – kakarampot na kita na hindi makasapat sa ibang pangangailangan
Halimbawa:
Karamihan sa ating kababayan ay isang kahig, isang tuka ang kalagayan ng buhay.
26. itaga sa bato – tandaan
Halimbawa:
Ang masasamang bagay na ginawa mo sa iyong kapwa,gaano man kaliit, ay muling babalik sa iyo sa ibang paraan, itaga mo sa bato.
27. itim na tupa – masamang anak
Halimbawa:
Labis ang pagsisisi ni Caloy dahil sa pagiging itim na tupa.
28. kalapating mababa ang lipad – babaing nagbebenta ng aliw
Halimbawa:
Maraming kalapating mababa ang lipad ang matatagpuan sa sinehan.
29. kakaning-itik – walang gaanong halaga, hindi maipagpaparangalan
Halimbawa:
Talagang mahirap ang walang pinag-aralan. Tumanda na sa pagtratrabahoang anak ni Mang Julio ngunit kakaning-itik pa rin ang kinikita.
30. pagputi ng uwak – walang maaasahan, walang kahihinatnan
Halimbawa:
Babayaran ka ni Rafi sa kanyang pagkakautang pagputi ng uwak.
31. pagiisang dibdib – kasal
Halimbawa:
Ang pag-iisang dibdib nina Pat at Leo ay gaganapin sa Oktubre 18 sa darating na taon.
32. pusong-bakal – hindi marunong magpatawad
Halimbawa:
Ganyan ba ang sinasabi ninyong relihiyosa at maawain gayong may pusong-bakal naman at mapagtanim ng galit sa kapwa?
33. tinik sa lalamunan – hadlang sa layunin
Halimbawa:
Tinik sa lalamunan ang kanyang tiyuhinna lagi nang nakaayon sa kalabang pulitiko.
34. tulak ng bibig – salita lamang, di tunay sa loob
Halimbawa:
Huwag mong asahan ang pangakong binitawan ng kongresman… iyun ay tulak ng bibig lamang, alam mo naman ang mga pulitiko.
35. maamong kordero – mabait na tao
Halimbawa:
Ang anak ni Aling Agnes ay tila maamong kordero kaya laging pinupuri ng kanyang guro.
36. Mahangin ang ulo – mayabang
Halimbawa:
Mula nang manalo sa Lotto ang dating hardinero ay naging mahangin ang ulo ng mga anak nitong lalaki.
37. matalas ang ulo – matalino
Halimbawa:
Matalas ang ulo ni Cristina kaya nagtapos siya nang may karangalan Valedictorian at Magnacum Laude.
38. mahina ang loob – duwag
Halimbawa:
Ang taong mahina ang loob ay kailangan umiwas sa mga kaguluhan upang hindi manganib ang buhay.
39. malakas ang loob – matapang
Halimbawa:
Malakas ang loob nung pulis na lumaban at nakapatay ng apat na holdaper sa loob ng pampasaherong dyip.
40. makapal ang bulsa – mapera
Halimbawa:
Kilalang matagumpay na negosyante ang ama ni Renan kaya hindi nakapagtataka kung si Renan ay laging makapal ang bulsa.
41. makapal ang palad – masipag
Halimbawa:
Makapal ang palad ni Eduardo kaya umunlad ang kanyang buhay. Isa na siyang milyonaryo.
42. magdilang-anghel – magkatotoo sana
Halimbawa:
Hinahangad mong sana’y magwagi ako ng unang gantimpala, magdilang-anghel ka sana.
43. kapit-tuko – mahigpit ang hawak
Halimbawa:
Kapit-tuko ang secretarya sa kanyang posisyon kahit na nalulugi ang kompanya at malapit ng magsara.
44. kidlat sa bilis – napakabilis
Halimbawa:
Ang action star na si Cesar Montano ay kidlat sa bilis kung ang pinag-uusapan ay ang nga ginagawa niyang action movies.
45. kilos-pagong – makupad,mabagal
Halimbawa:
Mahuhuli na tayo sa General Meeting kilos pagong ka kasi.
46. mababaw ang luha – iyakin
Halimbawa:
Masyadong mababaw ang luha ng aking kaibigan, kahit drama sa radyo o pelikula ay iniiyakan.
47. mabigat ang dugo – di-makagiliwan
Halimbawa:
Aywan ko kung bakit mabigat ang dugo ng Lady Boss namin sa baguhang si Norma na isang probinsiyana.
48. maitim ang budhi – tuso, masama ang ugali
Halimbawa:
Maitim ang budhi ng lalaking iyan kung kaya’t labas-masok sa bilibid sa loob ng sampung taon.
49. malikot ang kamay – kumukuha ng hindi kanya,kawatan
Halimbawa:
Mag-ingat kayo sa lalaking iyan na kilalang malikot ang kamay. Mahirap na ang magsisi sa bandang huli.
50. malawak ang isip – madaling umunawa, maraming nalalaman
Halimbawa:
Malaking karangalan ang makausap ang taong malawak ang isip. Marami kang matututunan, marami kang malalaman.
Comments are closed.